ရှမ်းနံနံခပ် ဆိုတော့ တချို့က အနံစိမ်းရွှင်ရွှင်နဲ့မို့ မကြိုက်ကြပါဘူး။ ဒါပေမဲ့ စမ်းချက်ကြည့်ပါ။ အမဲသား အာလူး ရိုးရိုးချက်လိုမဟုတ်ဘဲ အနံမွှေးမွှေးလေးနဲ့ စားကောင်းပါတယ်။ မြန်မာပြည်မှာက ငါးဟင်းမှာ ရှမ်းနံနံ ခပ်ပါတယ်။ အမဲသားမှာလည်း ခပ်ပြီးစားကြည့်ရအောင်။ အထူးအဆန်းလေးပေါ့။
- အမဲသားကို ရေစင်စင်ဆေး။ အနေတော်အတုံးလေးတွေ လှီးပါ။ ပြီးရင်တော့ ဆား၊ နနွင်းမှုန့်အနည်းငယ် နဲ့ နယ်ပေးပါ။ ပြီးတော့ နှပ်ထားပေးပါ။ တချို့က သံပုရာရည်လေး ညှစ်ပြီးနှပ်ထားတတ်ပါတယ်။ မြန်မာတွေ အစွဲက အမဲသားဆိုတာ မနူးလွယ်ဘူးလို့ စိတ်အစွဲရှိတယ်။
- အာလူးကို လဲ အခွံနွှာ အနေတော် အတုံးလေးတွေလှီး ပြီး ရေဆေး စစ်ထားပါ။
- ရှမ်းနံနံကိုလဲ လက်တဆစ်လောက် အရွယ်လေးတွေ လှီးထားပါ။
- အမဲသား ကီလိုဝက်ကို ကြက်သွန် လက်သီးစုပ်လောက် ၁လုံး။ အနှစ်များချင်ရင် ကြက်သွန်များများထည့်ပေးရပါမယ်။ ကြက်သွန်ဖြူ ၅မွှာ နှင့်ဂျင်း ကို လက်မခေါင်းလောက် ထည့်ပြီး ထောင်းပါ။
- လုံးချက် ချက်ချင်တယ်ဆိုရင်တော့ အိုးထဲမှာ ကြက်သွန်ဖြူ နီ ဂျင်းအနှစ်ထည့်၊ ဆီထည့်၊ အရောင်တင်မှုန့်၊ ဆား၊ နနွင်းအနည်းငယ် ထည့်ပြီး အိုးကို မီးဖိုပေါ်တင်ပါ။
- ဆီသတ်ချက်ချင်သပ ဆိုရင်တော့ ကြက်သွန်ဖြူနီဂျင်း ကို အရင် ဆီသတ်၊ ပြီးရင် အမဲသားထည့်ပါ။ ရေလုံးဝ မထည့်ဘဲ အမဲသားကို လုံးပေးပါ။
- အမဲသားက ထွက်တဲ့ အရေနဲ့ အရင်ချက်ပြီးမှ လိုသလောက် ရေအနည်းငယ်ထည့်ပြီး အမဲသားနူးလာအောင် ချက်ပေးပါ။
- အမဲသား နူးလာပြီဆိုရင်တော့ အသင့်ပြင်ထားတဲ့ အာလူးကို ထည့်ပါ။ ရေအနည်းငယ်ထည့်ပြီး အာလူးနူးသည်အထိ စောင့်ပါ။ စိတ်ကြိုက်အနေအထားရပြီဆိုရင်တော့ ရှမ်းနံနံလေးထည့်ပြီး မီးပိတ်အုပ်ထားပါ။
ဒါဆိုရင်တော့ အမဲသား အာလူး ကို ရှမ်းနံနံလေးထည့်ထားတဲ့ ဟင်းရပါပြီ။ ဒီဟင်းကို ငံပြာရည်ချက်။ ငံပြာရည်ဖျော်၊ ဒါမှမဟုတ် ငါးပိရည်ဖျော်လေး အတို့အမြှပ်လေးနဲ့ စားရင် အင်မတန်မြိန်လို့ အရည်သောက်တောင် မလိုပါဘူး။
No comments:
Post a Comment